如題....唔係為感情而唔開心，唔甘心!! 係因為工作上既一件事，係11月中我Apply左院舍既活動程序員.... 因為阿sa同jocye都要去讀書...所以我地呢邊多左一個位。 係其他同事影響下，我決定去Apply呢個位。 其他同事都覺得我可以應付呢個位，咁我都覺得都ok....... 冇幾耐我就去Apply，亦係一星期前去左人事部interview。 其實係之前我老頂都有同我講有另一個同事都有Apply，我都覺得冇咩問題。 問題今日就黎啦~今日joyce問我對呢個位期望有幾高，我都冇咩為意，只係答佢ok啦~ 佢就細細同我講，我另一個同事既成數都好大，可以話定左。 佢本身係一個文員，亦都係呢間做左好耐，有20年!!冇多~係廿年有多!! 本身佢係諗住轉做保健員既......不過因為一d問題，係我地機構既問題。 令到佢遲遲都轉唔到位，我都覺得好唔抵。 但2件事唔可以混為一談，因為我知道我地前院長想佢轉過黎既大部分原因， 係想佢可以稍稍壓住副院，唔係我地副院唔好，係因為佢做事太過自作主張， 冇咩點理其他同事既意見。但可以講一句，副院佢都係為院舍好，不過唔應該咁黎實行。 而當我知道呢個消息後，係有少少唔開心，不過我冇表達出黎。 因為我知道就算我講出黎都冇用。 如果我係因為能力唔夠所以冇請我既話我都冇野好講， 但而家唔係，係因為我地機構、院舍因為另一個同事等轉職位既機等左好耐好耐， 而又冇落實一個位俾佢轉，而家因為呢個位佢轉左過黎，我真係覺得好唔公平!! 係~!無可否認佢係呢間院舍係做左好耐，可以話無一不知，同院友，家屬關係好。但係， 佢本身係諗住轉黎呢個位咩?唔係。係既話我都冇咁嬲。 係因為院舍本身既一d問題令到我得唔到公平既對待........呢點真係好有問題! 不過算啦~~我而家係度做都係因為有一份工可以俾我去讀書， 本身係諗住如果可以轉到既話就可以儲多d錢，Anyway首先要讀個保健返黎先， 之後再攻護士!! 路，就已經諗好點行，但係此終少意外都係會有既~ 不過唔會就咁左右到我既!!!! 因為，我此終係樂天，樂觀既一派呀>w<!!!! | 
